. Azərbaycanın İKT sektoru 2023-cü ildə - İCMAL . . . Azyaşlı üzərində icra edilən torakal cərrahiyyə əməliyyatı uğurla başa çatıb . Azərbaycanlı alim Ümumdünya Fəlakətlərin İdarə Edilməsi Konqresinə dəvət edilib . Zəfər seçkisi . . Şahin Bağırov Səfər Mehdiyevin qohumunu işdən çıxartdı . .

Tural İbadlı Maliyyə-Biznes 06 dekabr 2023
0
"Binance"dan istifadəçilərə xəbərdarlıq edildi - Kriptovalyuta hesablarınızı satmayın Bugünkü rəqəmsal dünyada onlayn təhlükəsizlik və məxfilik çox vacibdir, ələlxüsus da söhbət puldan gedirsə. Dünyanın ən böyük kriptovalyuta birjalarından biri olan Binance kriptovalyuta istifadəçilərinin öz hesabarını daha yaxşı qoruya bilmələri üçün bəzi tövsiyələr verib.

“Binance” kontekstində hesabların satışı ilə bağlı dələduzluqlar “Binance” istifadəçilərini, adətən, böyük pul mükafatı vədi ilə öz hesab məlumatlarını dələduza verməyə inandırdıqda baş verir. Bu, adətən, həm “Binance” hesabının, həm də onunla bağlı bank hesabının satışını əhatə edir.

Sonra dələduz özünü satıcı kimi göstərərək “Binance”da olmayan insanlara saxta məhsul və ya xidmətləri reklam edir. Onların planı, adətən, satılmış “Binance” hesabı ilə bağlı bank hesabına saxta məhsul və ya xidmətlər qarşılığında ödənişlər əldə etməkdən ibarətdir. Sonra onlar bu oğurlanmış vəsaitləri Binance P2P platformasında kriptovalyuta almaq üçün istifadə edirlər.

Qurbanlar pulunu ödədikləri məhsul və ya xidmətləri əldə edə bilmədikdə aldadıldıqlarını başa düşürlər. Onlar satılan “Binance” hesabı ilə bağlı bank hesabının dondurulması ilə nəticələnən dələduzluq barədə məlumat verirlər. Bu, oğurlanmış vəsaitlərin keçdiyi P2P kontragentlərin hesabları da daxil olmaqla, onunla əlaqəli digər hesablara da təsir edə bilər. Hesabın ilkin sahibi olmuş şəxs baş verənlərdən xəbərsiz olsa belə, ciddi hüquqi və maliyyə problemləri ilə üzləşə bilər. Buna görə də “Binance” və ya bank hesabı məlumatlarınızı heç vaxt açıqlamamaq və ya satmamaq son dərəcə vacibdir.

“Binance”ın istifadə şərtlərinə görə hesabların satışı qadağandır və bu, “ban” edilməyə və ya əlavə fəsadlara səbəb ola bilər. İstifadəçilərə, adətən, adam başına yalnız bir hesab açmağa icazə verilir. Hesabın satışı ilə bağlı riskli vəziyyətə düşmək ciddi problemlərlə nəticələnə bilər. Bunlara hüquqi maneələr, dondurulmuş hesablar, pul itkiləri və
şəxsi məlumatın oğurluğu kimi hallar daxildir.

Bəs hesab satışı ilə bağlı dələduzluqların qarşısını necə almaq olar?
Bu hərəkətlər ciddi problemlərə səbəb olsa belə, bəzi insanlar tez pul qazanmaq perspektivi ilə şirnikləndirilə bilərlər. Təhlükəsizliyinizi təmin etmək üçün bəzi tövsiyələr:

Məlumatlı olun. Bilik gücdür. Bankınızın və “Binance” hesabınızın siyasətinin incəliklərini araşdırın. Əksər provayderlər hesabın ötürülməsinin və ya üçüncü şəxslərə satılmasının qəti qadağan olduğunu açıq şəkildə bildirir.

Sayıqlıq əsas amildir. Hər hansı qeyri-adi hərəkət sezdikdə hesabınızı müntəzəm olaraq yoxlayın. Hesab məlumatlarının mütəmadi olaraq yenilənməsi və ikifaktorlu autentifikasiyanın (2FA) aktivləşdirilməsi əlavə təhlükəsizlik səviyyəsini təmin edir.

Səlahiyyətli orqanlara dərhal xəbər vermək. Hesabınızın təhlükə altında olduğunu düşünürsünüzsə, dərhal bu barədə bankınıza və ya “Binance”a məlumat verin. Təcili davranışlar zərəri minimuma endirə bilər. “Müştərilərə yardım xidməti” ilə əlaqə saxlayaraq bizə məlumat verməyi unutmayın.

““Binance” və ya bank hesablarınızı satmaq pul qazanmağın asan yolu kimi görünsə də, bu çox riskli olmaqla yanaşı, həm də hüquqi və maliyyə problemlərinə səbəb ola bilər. Məlumatlı olmaq, qanunlara riayət etmək və maliyyə məxfiliyinizi qorumaq vacibdir. Unutmayın ki, maliyyə uğuruna aparan asan yol yoxdur; bu, məntiqli planlaşdırma və təhlükəsiz davranış tələb edir. Pulunuzun qayğısına qalmaq təkcə daha çox qazanmaq istəyi deyil; bu artıq sahib olduğunuzu qorumaq deməkdir. Kibertəhlükələrin artdığı bugünkü rəqəmsal dünyada ehtiyatlı davranmaq seçim deyil, zərurətdir”, deyə şirkətin yaydığı məlumatda bildirilir.
Oxşar xəbərlər
Təqvim
«    Dekabr 2023    »
BeÇaÇCaCŞB
 123
45678910
11121314151617
18192021222324
25262728293031