Bir sıra dövlət və hökumət başçıları Azərbaycanın milli bayramı – Müstəqillik Günü münasibətilə Azərbaycan Prezidenti İlham Əliyevi təbrik edib."NewsCafe" bu barədə Prezidentin Mətbuat Xidmətinə istinadən xəbər verir.
Məlumata görə, təbrik məktubu göndərənlər arasında Filippin Prezidenti Ferdinand Romualdez Markos, Tailand Krallığının Baş naziri General Prayut Çan-o-ça, Fələstin Dövlətinin Prezidenti, Fələstin Azadlıq Təşkilatı İcraiyyə Komitəsinin sədri Mahmud Abbas, Gürcüstanın Baş naziri İrakli Qaribaşvili, Belarus Respublikasının Prezidenti Aleksandr Lukaşenko, Rumıniyanın Prezidenti Klaus Verner, Serbiya Respublikasının Prezidenti Aleksandar Vuçiç və Qırğız Respublikasının Prezidenti Sadır Japarovun adı yer alıb.
Onlar öz məktublarında Azərbaycan Prezidentini təbrik ediblər və təmsil etdikləri ölkələrlə Azərbaycan Respublikası arasında əlaqələrin yüksələn xətlə inkişaf etdiyini qeyd ediblər.
