• Bakı
    4.12 m/s
  • 1.7000
  • 1.8352
  • 0.0236
  • 0.0903
  • 2.0504

Maliyyə-Biznes 17 yanvar 2023
0
"Kapital Bank"ın razılıq olmadan kredit tarixçələrini sorğulaması qanunsuzdur - AÇIQLAMA "Kapital Bank"ın vətəndaşların kredit tarixçələrini tez-tez sorğulaması müzakirələrə səbəb olub. Bildirilir ki, bank Mərkəzləşdirilmiş Kredit Reyesterinə baxış keçirir, heç bir kredit və ya zaminlik müraciətiləri olmadığı halda, müştərilərin kredit tarixçələrinin sorğulanması düzgün deyil.
"NewsCafe" xəbər verir ki, bu barədə Pravda.az-a açıqlama verən hüquqşünas Əkrəm Həsənov da deyib ki, bankın addımı qanun pozuntusudur.
Ekspert bildirib ki, bu, həm də bank sirrinin pozulması deməkdir: “Vətəndaşın razılığı olmadan onun kredit tarixçəsini Kredit Bürosundan, ya da Mərkəzi Bankın nəzdindəki Mərkəzləşdirilmiş Kredit Reyesterindən heç bir bank əldə edə bilməz. Bu yalnız vətəndaşın yazılı razılığı vasitəsilə mümkündür. Yəni vətəndaş kredit üçün banka gedir, ondan ərizəyə qol çəkilməsi xahiş edilir. Bununla vətəndaş razılıq verir ki, onun kredit tarixçəsi haqqında məlumat əldə etsinlər. Yalnız bundan sonra həmin bank müraciət edərək məlumatı əldə edə bilər. Hansısa bank vətəndaşın razılığı olmadan bunu edibsə, bank sirrini, qanunu pozub. Həmin maddə “Banklar haqqında” qanunda da, Mülki Məcəllədə də var”.



Ə.Həsənov vurğulayıb ki, bu halla qarşılaşan vətəndaşların iki seçimi var: “Birincisi, vətəndaş bu hala görə məhkəmədə banka qarşı iddia qaldıra bilər. Eyni zamanda ona dəyən mənəvi zərərin ödənilməsi ilə bağlı məhkəməyə müraciət edib, pul həcmində kompensasiya tələb edə bilər. Məhkəmələr bank sirrinin pozulmasına görə banklardan bu kompensasiyanı ödəmələrini tələb edir. Belə bir praktika var. İkincisi, vətəndaş Mərkəzi Banka da şikayət edə bilər ki, Mərkəzi Bank həmin bankı məsuliyyətə cəlb etsin, cərimələsin və s. Lakin bu halda vətəndaşa heç bir məbləğ ödənməyəcək. Eyni vaxtda iki seçimdən də istifadə edə bilərlər”.
Oxşar xəbərlər
Təqvim
«    Yanvar 2023    »
BeÇaÇCaCŞB
 1
2345678
9101112131415
16171819202122
23242526272829
3031