. Şahin BAğırov Səfər Mehdiyevin qohumunu işdən çıxartdı . . Məmməd Abbasbəyli: “Tenderi məmurun şirkəti deyil, rəqabətli təklif vermiş biznes qurumu udmalıdır” . . Ana qanunumuz: müasir dövrün ən mütərəqqi Konstitusiyası . . Azərbaycanda kriptovalyuta kartları ilə alış-veriş edilməsi mümkün olacaq . . Qazimiz Respublika Klinik Xəstəxanasının rəhbərliyinə minnətdarlığını bildirib .

Azərbaycan Standartlaşdırma İnstitutu ilə “Gəncə İdman Klubu” arasında memorandum imzalanıb

Tural İbadlı Futbol 30 may 2022
0
Azərbaycan Standartlaşdırma İnstitutu ilə “Gəncə İdman Klubu” arasında memorandum imzalanıb Memorandumun məqsədi ölkədə beynəlxalq tələblərə uyğun idman sahəsində standartların hazırlanmasından ibarətdir.
"NewsCafe" xəbər verir ki, anlaşmaya əsasən, ilk olaraq yerli qanunvericilik və beynəlxalq standartlar nəzərə alınmaqla birgə araşdırmaların aparılması nəzərdə tutulub.
​Memorandum çərçivəsində idman sahəsində mövcud dövlət standartlarının təhlilinin aparılması və aktuallaşdırılması, federasiyaların fəaliyyətinin beynəlxalq standartlara uyğun təşkil edilməsində məsləhət xidmətlərinin göstərilməsi və idarəetmə sistemlərinin sertifikatlaşdırılması, peşə standartlarının hazırlanması, müvafiq standartlar əsasında təlimlərin təşkili məsələləri yer alıb. Həmçinin anlaşmada əməkdaşlıq istiqamətləri üzrə məlumat mübadiləsi, birgə tədbirlərin (konfrans, seminar, simpozium, bençmarkinq, dəyirmi masa və s.) təşkili, yeni kadrların və mütəxəssislərin hazırlanması, bilik və bacarıqlarının artırılması və​ ​təkmilləşdirilməsi və bu sahədə qəbul ediləcək yeni standartlar haqqında ictimai məlumatlandırmanın aparılmasına da yer verilib. ​
​Memorandumu Azərbaycan Standartlaşdırma İnstitutunun baş direktorunun birinci müavini, baş direktorun vəzifəsini müvəqqəti icra edən İlham Bayramov və “Gəncə İdman Klubu”nun prezidenti Elvin Abbasov imzalayıblar.
​İnstitutun əsas fəaliyyət istiqamətləri standartların hazırlanması, qəbulu və ləğv edilməsi, Dövlət Standartlar Fondunun idarə edilməsi, Texniki Komitələrin fəaliyyətinin əlaqələndirilməsi, Azərbaycanın standartlaşdırma üzrə beynəlxalq və​ regional təşkilatlarında təmsil edilməsi, standartlaşdırma üzrə xarici ölkələrin təşkilatları ilə ikitərəfli əməkdaşlıq əlaqələrinin qurulması, standartlaşdırma​ və​ uyğunluğun qiymətləndirilməsi fəaliyyətinin təşviq edilməsidir. 2017-ci ildən İnsititut ISO-nun tamhüquqlu üzvü olmaqla yanaşı, Beynəlxalq Elektrotexniki Komissiyanın (İEC) Müxbir ölkələr proqramında (Affiliate Country Program) iştirak edir, Avropa Standartlaşdırma Təşkilatında (CEN) Tərəfdaş standartlaşdırma orqanı (CSB) statusunda ​ təmsil olunur.
Oxşar xəbərlər
Təqvim
«    May 2022    »
BeÇaÇCaCŞB
 1
2345678
9101112131415
16171819202122
23242526272829
3031