• Bakı
    21°
    7.2 m/s
  • 0
  • 0
  • 0
  • 0

DGK rəsmisi: “Yazdıqlarını özündən başqa özü oxuyandan bundan artığını gözləmək əbəsdir”

Maliyyə-Biznes 30 aprel 2022
DGK rəsmisi: “Yazdıqlarını özündən başqa özü oxuyandan bundan artığını gözləmək əbəsdir”

"Ötən gün Dövlət Gömrük Komitəsinin sədri Səfər Mehdiyevin Xaçmaz rayonunda vətəndaşları qəbulu prosesində mənşəyi məlum olmayan bir saytın əlində telefon tutaraq “peşə” fəaliyyətini yerinə yetirən bir sərgərdan “əməkdaş”ı  həqiqətə uyğun olmayan, yanlış informasiyalar yayımlayaraq guya özünə reytinq yığıb".

"NewsCafe" xəbər verir ki, bunu Dövlət Gömrük Komitəsinin Mətbuat və İctimaiyyətlə Əlaqələr İdarəsinin rəisi Natiq Axundov bildirib.

Onun sözlərinə görə, yayılan məlumatda Komitə sədrinin yalnız 4 nəfər vətəndaşın müraciətini dinlədikdən sonra qəbul prosesini dayandırdığı, qeydiyyata alınan digər şəxslərin müraciətlərinin dinlənilmədiyi iddia olunub: “Əvvəla qeyd edim ki, Dövlət Gömrük Komitəsinin sədri Səfər Mehdiyev ümumilikdə 14 nəfər vətəndaşla görüşərək onların müraciətlərini dinləyib və qaldırılan məsələlərin həlli istiqamətində müvafiq tapşırıqlar verilib. Müraciətlərdən 4-ü  gömrük məsələləri, digərləri isə gömrük orqanlarında  işə qəbulla  bağlı olub”.

O bildirib ki, işə qəbulla bağlı müraciət edən vətəndaşlar Komitənin İnsan Resursları İdarəsi və digər struktur bölmələrinin rəhbərləri tərəfindən də dinlənilib və onlara gömrük orqanlarına işə qəbul prosesinin qanunvericiliyə əsasən xüsusi imtahan vasitəsilə həyata keçirildiyi barədə ətraflı izahat verilib. Sadəcə o sərgərdan “əməkdaş”ın yalnız 4 nəfərin qəbul prosesində iştirak edib çıxması və sonradan böhtan xarakterli məlumat yayması peşəsinə olan “sonsuz məhəbbət”inin təzahürüdür.

N.Axundov onu da bildirib ki, Dövlət Gömrük Komitəsi sədrinin mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq regionlarda vətəndaşlarla görüşü tam şəffaf şəkildə həyata keçirilir, gömrük məsələləri ilə bağlı şikayət, təklif və ya problemi olan bütün şəxslərin prosesdə iştirakı təmin olunur:

“Qəbul prosesi barədə yayılan yanlış informasiyalara gəlincə isə məlumatı hazırlayan şəxs qarşı tərəfin də fikirlərini öyrənməli, müsahibə aldığı vətəndaşların iddiaları, açıq qalan suallar barədə aiddiyyəti qurumun nümayəndələrindən cavab tələb etməliydi.  Yazdıqlarını özündən başqa bir də özü oxuyan, nəinki gömrük sistemi, hətta media haqqında belə ibtidai biliklərə malik olmayanlardan bundan artığını gözləmək isə əbəsdir”.

Oxşar xəbərlər
Təqvim
«    Aprel 2022    »
BeÇaÇCaCŞB
 123
45678910
11121314151617
18192021222324
252627282930